HomeGroupsTalkZeitgeist
Hide this

Results from Google Books

Click on a thumbnail to go to Google Books.

في أحضان الكتب
Loading...

في أحضان الكتب

MembersReviewsPopularityAverage ratingConversations
312,001,085 (5)None

None.

None
Loading...

Sign up for LibraryThing to find out whether you'll like this book.

No current Talk conversations about this book.

بلال فضل واجه صعوبة فى انه يكتب عن كتبه و كتّابه المفضلين عشان واجهته مشكلة انه مش هيقدر يوفيهم حقهم, دى بالضبط نفس مشكلتى دلوقتى, مش عارفة ايه اللى ممكن اكتبه عن كتاب رائع بيقدم وبيقترح و بيوصف و بيحلل كتب و كتاب رائعين..

بلال فى الكتاب ده بيفكرنى ان القراءة مش بالضرورة وسيلة للمعرفة على قد ما هى متعة فى حد ذاتها, وبيفكرنى ان عشاق القراءة ربنا انعم عليهم بادمان الكتب و القراءة ودى نعمة كبيرة ...

والممتع مش بس انك تقرا كتب, بل انك تقرا عن الكتب كمان و عن طقس القراية بشكل عام, تقرا عن ناس تانيين مدمنين زيك و مغامراتهم مع الكتب, حتى لو الكتب نفسها مش ستايلك المفضل لكن رحلة القارىء مع اى كتاب يعجبه هى رحلة ممتعة للغاية, و ده اللى يخللى موقع زى جودريدز مميز...

قرار بلال فضل انه يجمع مقالاته عن الكتب فى كتاب هو قرار عظيم, قراء كتابات بلال فضل فى الصحف -الدستور على وجه الخصوص- عارفين اد ايه هو قارىء مميز و من زمان و هو بيشارك قرائه حبه و عشقه للكتب , افتكر فى "قلمين" -كانت صفحتين فى الدستور تحوى كتابات بلال فضل و رسومات عمرو سليم- كتب عن غرامه برواية جابرييل جارسيا ماركيز "الحب فى زمن الكوليرا" بترجمة صالح علمانى وهو ما دفعنى انى اروح اشتريها, سيبك من انها معجبتنيش بالمرة بس مش دى الفكرة, الفكرة ان بلال مش بس قارىء مميز بل كاتب مميز كمان و قادر يوصل عشقه لكتب وكتّاب بعينهم الى قرائه..

بلال فضل عبر كتابه بياخدك فى رحلة ممتعة ومختلفة بصحبة عدد من الكتب لتتأمل افكار و جوانب كتير من الحياة و تقدر بسهولة تشوفها فى مصر, ياخدك مثلا رحلة مع يوجين يونسكو و مسرحيته "الخراتيت" لتتأمل حالة خرتتة الناس اللى بيقاومها البطل فى محاولة للحافظ على ادميته..

وبعدين ياخدك مع هنرى ميللر و "كابوس مكيف الهواء" اللى بيناقش فيه الارهاب الفكرى وقت الحرب العالمية حيث لا صوت يعلو فوق صوت المعركة (او الحرب على الارهاب)..

نفس الفكرة مع جورج و اورويل و "الصعود الى الهواء" حيث الصراخ و العويل و الخوف من القادم لو لم تنتصر بريطانيا, فى حين ان البطل يرى مبالغة و رجل حكيم يرى ان "لا جديد تحت الشمس" فى حوارات ممتعة و مميزة للغاية..

يخفف عنك بلال فضل قليلا برحلة الى تركيا للبحث عن دار ايتام اقامها كاتبه المفضل و الاثير "عزيز نيسين", يستعرض مقاطع رائعة من كتابات نيسين و مينساش بلال انه يشاركنا باللى شافه فى الدار اللى لقى فيها تراث نيسين (المادى و المعنوى)

يشاركك بلال فضل مقالة مميزة لمارك توين عن "ساكنى القبور" اللى عندهم نعمة حرية الكلمة اللى يفتقدها الاحياء, بحسب توين, فكل انسان بيخفى فكرة او ايمان ما يخشى الافصاح عنه لانه لا يناسب المجتمع اللى عايش فيه فبيضطر يخفيه حتى لا يستبعد من المجتمع, توين يقلنا ان عنده المشكلة دى و لقى الحل اللى يريحه..

يعدى بلال فضل مرتين على العراق, مرة مع على بدر و "حارس التبغ" اللى بيوصف فيه بدر تشكيل المجتمع العراقى على ايد صدام حسين اللى وصّل العراق فى النهاية الى هذه المرحلة من الطائفية البغيضة .. و مرة تانية مع سنان انطون و "يا مريم" و هى رواية بديعة و ممتعة فعلا.. عجبنى اقتباس بلال فضل من الكتاب و هو الجزء اللى لفتنى فعلا لما قريت الرواية, عن جروبات الفايسبوك اللى بتجيب صور قديمة للعراق ايام عزه ومجده ..بس كله بيبكى على عراقه.. اللى بيبكى على ايام الملكية, واللى بيبكى على الايام قبل صعود البعثيين, واللى بيبكى على فترة ما قبل غزو الكويت, و اللى شايف ان المشكلة جات مع الاحتلال الامريكى وهكذا...

لا يقف بلال فضل عند بكائيات الزمن الجميل فى العراق فقط, يعدّى على مصر طبعا مع المبدع نجيب محفوظ و "المرايا".. اللى بيحكى عن المجتمع المصرى ما بعد فى 1919 و الشكوى من الانهيار الاخلاقى, يختار قصة معينة لسياسى دكتور محترم فى الجامعة يقرر يبيع مبادئه عشان منصب, يحكى عن محاولة الدكتور لتبرير موقفه لطلبته اللى تقابل باستهزاء من الطلبة, اللى مش بس بيستنكروا موقف الدكتور, لا و مستغربين اصراره انه يبررلهم موقفه وكأنه مش مكفيه انه غيّر مبادئه لأ و كمان عايز يقنعهم ان ده الصح, و لسان حالهم يقول "هى الناس دى عايزة مننا ايه يا كابتن متحت؟"

يجى بلال فضل فى رحلة من الرحلات و يطبط على القراء "الزهايمر" -امثالى- اللى بينسوا اللى بيقروه ويقولهم "لست وحدك" و يستشهد بباتريك سوزكيند اللى حكى اختياره لكتاب من مكتبته و قراءته له و ملاحظته ان نفس الملاحظات والهوامش المكتوبة فى الكتاب هى نفسها اللى جت فى باله, لحد ما يكتشف اخيرا انه صاحب الهوامش و الملاحظات و انه ناسى تماما الكتاب ده ومش فاكر انه قرأه! -حصلتلى قبل كده- .. يحاول سوزكيند يستعيد احداث و اقوال من كتبه المفضلة اللى قرأها و ميفتكرش غير حاجات قليلة..ويوصل لاستنتاج مهم و هو ان رغم انه ناسى كتبه المفضلة لكن بشكل ما الكتب دى اثرت فيه و فى تفكيره و اراءه ففى النهاية قراءته للكتب دى لم تذهب هباء .. او هكذا نتمنى..

يعدى بلال على قصص غريبة ومميزة زى "فيل الوالى" للبوسنى ايفو اندريتش و "حياة باى" للكندى يان مارتل و "نفق المشاة" للتركى مظفر ازغو...

يعترف بلال انه اخطأ فى رأيه عن اورهان باموك اللى كان شايف انه لا يستحق نوبل و انه كاتب مبالغ فيه -على يدى-ويحكى ازاى سائح امريكى قابله مصادفة فى تركيا حمسه انه يقرا لباموك تانى .. يرجع يقرا للراجل و ينبهر بيه و يكتشف ان المشكلة الاساسية كانت فى الترجمة, يختار مقتطفات من "الكتاب الاسود"..

مجموعة من الكتب و الريفيوهات المميزة قدمها بلال فضل باسلوبه الممتع جدا, مشكلتى الوحيدة كانت اراءه السياسية اللى كان بيستفيض فيها عشان يثبتلنا تماثل الموقف الفلانى مع الوضع عندنا فى مصر, الحمدلله الموضوع ده محصلش كتير فعدت..

المهم ان بعد المادة الغنية دى, بلال فضل لا يبخل علينا و فى اخر الكتاب ..يقدملنا لستة من افضل الكتب فى رأيه ..سعادة لا توصف لما شفت اللستة و فيها عدد مميز فعلا من الكتب اللى قرأتها او لسه عايزة اقراها..وكتب خلاص قررت اقراها...

متضايقة انى حاسة انى لم اوفى الكتاب, او الكتب بمعنى اصح,حقهم, اغفلت كتب و كتّاب اخرين بس لزوم السسبنس وكده.. كنت عايزة اتكلم عن رأيى فى اراء و مواقف بلال فضل السياسية وعلاقتها بأفكاره اللى ناقشها فى عدة مواضع فى الكتاب, المهم محبتش اقلب الريفيو سياسى ربما فى بوست منفصل اتكلم عن الموضوع ده..

واخيرا و ليس اخرا, شكرا بلال فضل , وحاضر مش هنسى ادعيلك :) ( )
  Samar.Abd-Allah | Feb 27, 2014 |
no reviews | add a review
You must log in to edit Common Knowledge data.
For more help see the Common Knowledge help page.
Series (with order)
Canonical title
Original title
Alternative titles
Original publication date
People/Characters
Important places
Important events
Related movies
Awards and honors
Epigraph
Dedication
First words
Quotations
Last words
Disambiguation notice
Publisher's editors
Blurbers
Publisher series
Original language

References to this work on external resources.

Wikipedia in English

None

Book description
Haiku summary

No descriptions found.

No library descriptions found.

Quick Links

Popular covers

None

Rating

Average: (5)
0.5
1
1.5
2
2.5
3
3.5
4
4.5
5 1

Is this you?

Become a LibraryThing Author.

 

About | Contact | Privacy/Terms | Help/FAQs | Blog | Store | APIs | TinyCat | Legacy Libraries | Early Reviewers | Common Knowledge | 125,447,485 books! | Top bar: Always visible