HomeGroupsTalkZeitgeist
Hide this

Results from Google Books

Click on a thumbnail to go to Google Books.

باب الخروج: رسالة علي…
Loading...

باب الخروج: رسالة علي المفعمة ببهجة غير…

MembersReviewsPopularityAverage ratingConversations
113820,536 (4.2)None

None.

None
Loading...

Sign up for LibraryThing to find out whether you'll like this book.

No current Talk conversations about this book.

Showing 3 of 3
ده كابوس ( )
  Esraa.Saad | Feb 27, 2014 |
الحقيقة انى كنت بتجنب تماما قراءة اى كتاب بيناقش ثورة يناير المجيدة، مش كرها فيها لا سمح الله، لكن ﻷنى فى اﻷول مكنتش مهتمة بانى اقرا كلام ناس عن احداث انا حضرتها وعايشتها..وبعدين تجنبتها اكتر لاسباب اكبر..يعنى فاكرة انى كنت بروح اى مكتبة الاقى ركن مخصوص لكتب الثورة و كنت بتجاهله وساعات ببصله باشمئزاز ﻷن الموضوع قلب لاحقا لسبوبة حلوة او تنظير فج لناس فاكرة انها فاهمة كل حاجة !

تجربة عز الدين شكرى فى "باب الخروج" هى تجربة مختلفة تماما.. تجربة بديعة و متعبة نفسيا و فكريا و افضل ما قرأت عن الثورة و تبعاتها المحتملة ..

خلينى ابدأ بأنى اقول انى استفدت جدا من قراءة "باب الخروج" مباشرة بعد "نادى السيارات" و هى لسه حاضرة فى ذهنى بوضوح.. مش قصدى اقارن بين الكتابين -شتان بين الاتنين- لكن فيه نقطة قلتها فى ريفيو "نادى السيارات" استحضرتها تماما فى "باب الخروج" و هى فشل علاء اﻷسوانى فى تحويل افكاره القيمة فى الرواية اللى طلعت سطحية و مباشرة و بلهاء-ويمكن علاء الاسوانى مش صاحب فكر جامد زى ما كان بيتهيألى,حوار تانى هحكيه بعدين-.. وده اللى على العكس تماما نجح فيه عزالدين شكرى لما حوّل افكاره لشخوص و احداث مركبة و صعبة و واقعية بشكل مبهر! ..

عزالدين فى "باب الخروج" بيسأل اﻷسئلة الصعبة لمرحلة ما بعد الثورة و بيزنقنا فى معضلات اخلاقية عن نفسنا قبل ما تكون معضلات سياسية بتواجهها بلدنا..

انبهارى بالرواية مكنش بس فى كمية التفاصيل و اﻷحداث و"المسميات" اللى اخترعها عزالدين فى كل مرحلة واللى بدت منطقية جدا و ممكن نبقى نستعيرها منه لما تحصل فعلا (زى كتائب اﻷلتراس مثلا بعد ما بقوا مسلحين و زى "الطاعة المدنية" و حركات زى 'معا' و 'أشد' الخ)

وانبهارى كمان مش بس لﻷحداث اللى تكاد من مدى منطقيتها تحلف انها هتحصل بالمللى فى السنوات القادمة، واللى كان واضح فيها مجهود عزالدين فى تجميع عدد كبير من التفاصيل عن اطراف و اماكن كتير ..

وانبهارى كمان مكنش بس ﻷن عزالدين تجاهل السيناريو اللى قرفونا به المولولين عن تحويل مصر الى ايران و اخونة الدولة وكل ده، عزالدين اخد منحى مختلف و سيناريو اسوء للى ممكن يحصل فى مصر، مش سيناريو "الرعب" اللى واكل دماغ مثقفى مصر، عزالدين عمل مجهود انه يشوف خطر اكبر وابعد من كده، ومكنش تقليدى،الحقيقة ان مفيش حاجة من اللى عملها كانت تقليدية ابدا..

انبهارى الحقيقى كان بالتطور الفكرى و النفسى لصاحب الرسالة -و للمصريين عموما- فى خلال اﻷحداث و المجازر و الخيانات و انهار الدم اللى شهدتها مصر فى عالم عزالدين شكرى لمصر بعد الثورة، تحليل عزالدين و تجريده وتعريته لبلاوينا ناحية كل موقف و كل مرحلة و تناقضاتنا الفاضحة كان موجع و مهلك نفسيا .. صاحب الرسالة "على" و مسائلته لنفسه و تحليله لمواقفه و سلبيته ابهرنى و وجعنى و اقدر اقول انى شفت نفسى جدا فى "على" و عشان كده اسئلته هزتنى ...

مش عارفة اوصف احساسى بالضبط و لا عارفة اعبر عن كمية اﻷسئلة و الحوارات اللى فى دماغى اللى بدأها عزالدين و بتاكل دماغى دلوقتى, عزالدين فتح باب -مش للخروج- للاسئلة و التأمل فى انفسنا و انعكاس ده على بلدنا و علينا كشعب و على الشعوب اللى حوالينا.. والاكتر من كده انه ادانى طريقة جديدة
(new perspective)
اشوف بيها الاحداث اللى بتحصل فى البلد...

بالنسبة للجزء السياسى و تكهنات عزالدين عن مرحلة ما بعد الثورة, الموضوع كئيب للغاية, و معرفش ايه اكتر حاجة كأبتنى الحقيقة, هلى حقيقة ان كل ده هيحصل -بشكل او بأخر- و كلنا عارفين انه هيحصل و كلنا حاسين بالخطر و مع ذلك مش قادرين و لا عارفين نوقف الخطر ده؟

و لا اللى كأبنى اكتر هو سنوات الضياع و اللاشىء و التجربة و التضحية و الموت .. "بعد اربع سنوات من الثورة لم يحدث كذا", "بعد 6 سنوات من الثورة اخيرا تم البدء فى عمل كذا".. حالة الدايرة المفرغة اللى بنلف فيها دى كئيبة جدا و بنعيشها حاليا...و الاسوء كمان اننا بنعتادها..شىء محبط

وانا بقرأ الرواية كنت مستنية "البهجة" تيجى..الحقيقة انها جت فعلا لكنها مش بهجة اوى او مش البهجة المتوقعة.. وهى بهجة امل اكتر من كونها اى حاجة تانية.. و بهجة جت بعد سنين من الثورة

مين قال ان بناء الدولة بعد الثورة هيبقى سهل و مش هياخد وقت؟؟؟ محدش قال كده.. بس انك تعرف حاجة و تفهمها غير انك تستوعبها تماما و تعايشها..

الفصل الاخير كان الشىء الوحيد اللى مش منطقى صراحة و ربما كان يستاهل ان نجمة تتخصم من الرايتنج... لكن مقدرتش و قررت اديها الخمس نجوم كاملة عشان التجربة الفكرية المهمة و الممتعة و الملهمة و الموجعة و المفيدة جدا جدا جدا...

شكرا للاستاذ عزالدين شكرى على القراءة الممتعة و المحترمة..وشكرا للشخصيات الرائعة اللى حبيتها و تعاطفت معاها و فهمتها و فهمت دوافعها و تعقيداتها ..شكرا لعدم الاستسهال و لا الحشو الفارغ و لا الوعظ و لا الكلام المباشر..

لازم تقروها... لازم ( )
  Samar.Abd-Allah | Feb 27, 2014 |
أبواب الخروج و ليس باب خروجٍ واحد!

الإثارة في هذه الرواية منبعها ذكاء الكاتب و مهارته في صياغة عدد كبير من المسارات المستقبلية للثورة المصرية ، القائمة أساسا على استقراء لما مضى من ثورات في العالم مع فهم لطبيعة الشعب المصري و القوى السياسية على الساحة الآن..

فيستثيرك مثلا أن الرواية المكتوبة في ابريل ٢٠١٢ قبل أن يترك المجلس العسكري الحكم ، تتنبأ بأنهم سيعودون مرة أخرى .. بل و بعد أن يحكم الإخوان مصر لفترة ..

هذه المسارات للثورة المصرية التى توقعها الكاتب ، و غيرها هو محور الرواية ، و من خلالها يحاول أن يشير إلى باب الخروج ( أو قل أبواب الخروج ) من انتكاسات الثورة المتكررة ..

هذه الصياغة الذكية لكثير من التوقعات في قالب رواية هو ما يثير أي قارئ لها.

من مآخذي على الرواية ركاكة الأسلوب على الرغم من قوة الفكرة كما قلت بداية .. هذا غير النهاية المملة للرواية

شئ آخر أحب أن أضيفه و هو أن الكاتب مهما بلغ ذكاؤه في استشراف المستقبل إلا أنه يظل هناك قدرا كبيرا من المتغيرات التي قد تطرأ لأسباب كثيرة فتحول المسار كله؛ و لا أدل على ذلك من موقف الكاتب الحالي -المبشر بحركة"معا"- ضد الإخوان و قوفه جنب العسكر و الداخلية . و ربك سبحانه و تعالى غالبٌ على أمره.

اللهم أبرم لهذه الأمة أمر رشد ( )
  AmrAzzazi | Feb 27, 2014 |
Showing 3 of 3
no reviews | add a review
You must log in to edit Common Knowledge data.
For more help see the Common Knowledge help page.
Series (with order)
Canonical title
Original title
Alternative titles
Original publication date
People/Characters
Important places
Important events
Related movies
Awards and honors
Epigraph
Dedication
First words
Quotations
Last words
Disambiguation notice
Publisher's editors
Blurbers
Publisher series
Original language

References to this work on external resources.

Wikipedia in English

None

Book description
Haiku summary

No descriptions found.

No library descriptions found.

Quick Links

Swap Ebooks Audio

Popular covers

None

Rating

Average: (4.2)
0.5
1
1.5
2
2.5
3 1
3.5
4 2
4.5
5 2

Is this you?

Become a LibraryThing Author.

 

About | Contact | Privacy/Terms | Help/FAQs | Blog | Store | APIs | TinyCat | Legacy Libraries | Early Reviewers | Common Knowledge | 119,620,544 books! | Top bar: Always visible