HomeGroupsTalkZeitgeist
Hide this

Results from Google Books

Click on a thumbnail to go to Google Books.

وردة
Loading...

وردة

MembersReviewsPopularityAverage ratingConversations
113,689,591 (4)None
Recently added bySamar.Abd-Allah

None.

None
Loading...

Sign up for LibraryThing to find out whether you'll like this book.

No current Talk conversations about this book.

صنع الله بيعمل اللى متعود يعمله فى رواياته, و هو شىء عظيم بالتأكيد و يتطلب مجهود هستيرى بجانب الابداع و الكتابة..

الرواية عليها بصمة صنع الله .. نفس اسلوبه و طريقته فى السرد اللى بتحكى احداث تاريخية حقيقية بجانب احداث و شخصيات من تأليفه, بيختار مكان و تاريخ معين و يبتدى من هناك يحكى حكاية دول و شعوب و ثورات, الحكاية المرة دى كان من مكان نسبيا بعيد ملناش اى علم بيه و غالبا بنتجاهله-كمصريين- و هو "سلطنة عمان" و الزمن هو فترة الستينات و السبعينات وقت ثورة ظفار.. بنتعرف على عمان و العرب و الثورات العربية والعالمية من خلال "وردة"..

صنع الله كالعادة بيسيب دماغى تقيلة من كتر الافكار و المعلومات, هحاول ألخص ابرز الحاجات فى نقط:

1- انا معجبة باعجاب و احترام صنع الله الواضح لثقافات الشعوب و محاولته تسليط الضوء عليها, ومنها "سلطنة عمان" اللى بتدور حولها و فيها الرواية فى حين تتراجع مصر فى الرواية وتظهر كعنواين اخبار بتتابعها وردة عن طريق الراديو وتتفاعل معاها اكيد بس بشكل محدود.. صنع الله شكر الاصدقاء العمانيين اللى فتحوا له قلوبهم قبل بيوتهم واتاحوا له يتعرف على حضارتهم العريقة بحسب تعبيره, الاحترام و الانبهار ده كان واضح فى الرواية نفسها.. ده شىء مش كتير مع الاسف, خاصة ناحية دول تبدو بعيدة تماما عننا ومنعرفش حاجة عن ثقافاتهم, وبنفتكر ان الدول دى مش مهمة عشان مش مشهورة -لينا- لكن تلاقى التاريخ بيقول غير كده, حتى التاريخ الحديث, فبحسب صنع الله الحراك الثورى فى الوطن العربى بدأ من اليمن و انتقل الى ظفار بعمان و منه الى جميع الدول العربية اللى شهدت انقلابات و ثورات و تغييرات رهيبة..

2- كان دايما عندى شعور اننا بنعيش فى واحدة من اسوء العقود فى التاريخ, خاصة بعد 11 سبتمبر , بس كل ما بقرأ اكتر بكتشف ان كل العقود اللى فاتت كانت سيئة و جنونية للغاية خاصة فى الشرق الاوسط,احنا عامة كعرب و مسلمين فى زمن سىء للغاية وهنفضل كده لغاية لما يعاد تشكيل العالم و تسقط دول عظمى و تطلع غيرها, صنع الله فى الرواية اكد لى ان الستينات و السبعينات كانت من المراحل المهلكة فى تاريخنا على عكس الانطباع العام فى مصر انها فترة انجازات و انتصارات -فيما عدا 67 طبعا- و ده نسبيا صحيح لو بنتكلم على مصر بس لكن الشرق الاوسط بشكل عام كان فى مرحلة تغييرات جذرية و تحركات شعبية, و بدأناها من جديد اليومين دول مع الربيع العربى..

3- اليمن و ما ادراك ما اليمن, كان فيه صراع قوى فى اليمن -حاجة اشبه بسوريا الان- و الصراع ده دخلت فيه مصر بجيشها وقتها.. هايلايت انى لازم اقرا عن اليمن فى الفترة دى.. صنع الله حكى عن اليمن بشكل تقريرى و البلاوى اللى حصلت فيها لحد فترة اوائل التسعينات -اللى بيدور فيها جزء من احداث الرواية- وكمل "بتذييل" بعد الرواية بمتابعة اللى حصل فى اليمن لحد 2000.. تفاصيل و معلومات و اسماء كتير صعب استوعبها فى مرة.. كالعادة صنع الله رواياته ممكن الاستعانة بيها كمراجع..

4- من خلال يوميات وردة اللى كتبتها, بنتعرف على شكل الثورة و المقاومة المسلحة و حروب العصابات مع الجيوش النظامية, حاجة اشبه باللى بيحصل فى سوريا دلوقتى, نفس الاجواء و الاساليب, وصنع الله بياخدنا للتفاصيل طبعا, والتفاصيل هى أنك تتعايش مع الثوار فى حربهم مع السلطة, حياتهم و احتفالاتهم و افكارهم و شغل المنظمة فى الوقت ده على بناء دولة فى المناطق المحررة من تعليم للناس و معالجتهم و خلافه.. مش عارفة اوصف احساسى ازاى .. بيخلينى اسأل اسئلة كتير بغباء... معرفش هلاقى اجابات ولا لأ...

5- آفة صنع الله التطويل.. فيه اوقات زهقت فعلا و خدت وقت عشان ارجع اقرا تانى.. فيه اجزاء بيحكى تفاصيل مملة ملهاش اى لازمة و تبدو كحشو وخلاص.. كان فيه ملل طبعا فى الرواية و يمكن عشان كده نقصته نجمة..

6- كنت بقرأ رواية صنع الله لما فجأة عمل حوار غريب عجيب قال فيه "السيسى شخصية وطنية كبيرة وبفضله نتحدى أمريكا والغرب لأول مرة منذ عبدالناصر ومن حقه الترشح للرئاسة.. والبرادعى سيذهب إلى مزبلة التاريخ"! http://www.youm7.com/News.asp?NewsID=1218467&
.. الحوار مأساة حقيقى و خدت وقت انى اصدق ان هو اللى بيقول الكلام ده لاسباب كتير.. بغض النظر عن الاختلافات اللى طبيعى تبقى موجودة فى التعامل مع اوضاع سياسية.. لكن انا استغربت قرايته للمشهد السياسى نفسه.. بيقول كلام بالنسبة لى لا يعقل و يخلينى احتاس لانه مش معقول الراجل دى قارى المشهد غلط, و لا هو صنعته فى قراءة التاريخ مش فى قراءة الحاضر زى ناس كتير اكتشفتهم؟ بيخلينى اعيد التفكير فى حاجات كتير..

7- صنع الله شكر "هانيا سرور" عشان خلته يتفرج على فيلمها عن ثورة ظفار "دقت ساعة التحرير".. دورت عليه و لقيته و قلت فرصة الواحد يتعلم برضه فى ظل التعتيم ده..

الفيلم على يوتيوب: http://www.youtube.com/watch?v=FDc38iYUwHg

ومعلومات عن الفيلم: http://www.antiimperialista.org/ar/node/6808

8- فيه سسبنس فى الرواية.. وطول الرواية تبقى مشدود عشان تعرف كانت ايه نهاية وردة و ايه اللى حصلها.. مش عايزة احرقها بس هو صنع الله كتب نهاية منطقية و واقعية...

رواية تقيلة و حلوة وممتعة رغم الاجزاء المملة.. ينصح بقراءتها طبعا بس محتاجة ذهن صافى...
( )
  Samar.Abd-Allah | Feb 27, 2014 |
no reviews | add a review
You must log in to edit Common Knowledge data.
For more help see the Common Knowledge help page.
Series (with order)
Canonical title
Original title
Alternative titles
Original publication date
People/Characters
Important places
Important events
Related movies
Awards and honors
Epigraph
Dedication
First words
Quotations
Last words
Disambiguation notice
Publisher's editors
Blurbers
Publisher series
Original language

References to this work on external resources.

Wikipedia in English

None

Book description
Haiku summary

No descriptions found.

No library descriptions found.

Quick Links

Swap Ebooks Audio

Popular covers

None

Rating

Average: (4)
0.5
1
1.5
2
2.5
3
3.5
4 1
4.5
5

Is this you?

Become a LibraryThing Author.

 

You are using the new servers! | About | Privacy/Terms | Help/FAQs | Blog | Store | APIs | TinyCat | Legacy Libraries | Early Reviewers | Common Knowledge | 117,024,501 books! | Top bar: Always visible