60 Kilo Sonnenschein

Í þessari sögu segir Hallgrímur frá rótgrónu bændasamfélagi þar sem stéttskipting tröllríður öllu. Við kynnumst sveitasamfélaginu og sjávarþorpi þess tíma og upplifum byltinguna sem verður þegar Norðmenn mæta á svæðið og byggja upp síldarvinnslu. Allt í einu er allt orðið iðandi af lífi. Sveitafólkið farið að flykkjast í síldarsöltunina þar sem það fær borgaða peninga í fyrsta skipti og ægivald stórbænda og kaupmanna yfir þeim riðar til falls.
Naut þessarar sögu Hallgríms. Skemmtilegt og fallegt málfar og hann gerir mjög vel í því að draga fram málfar og orðanotkun þessa tíma og matreiða á aðlaðandi máta fyrir nútímann.